كل ما تريدين معرفته عن protein بروتين الشعر واحدث انوعه 2016

كل ما يظهر منتج جديد او تقنيه جديدة الاسئله تنهار حولها وده شيء طبيعي

ياتري عبارة عن ايه؟ حقيقه ولا مجرد دعايه؟ بيعمل ايه بالظبط في الشعر ؟انواعه ايه ؟ والاهم آمن ولا لأ ؟ وازاي اختار النوع المناسب لشعري ؟ وووو..الخ

في موضعنا النهارده هنرد علي كل الاسئله وهنتكلم عنه بكل التفاصيل

اولا ما هو منتج البروتين لعلاج وفرد الشعر؟

منتج البروتين يعد هوه المنتج المطور للكيراتين يعني مش اختراع جديد تماما انما هو تطوير لنفس فكرة الكيراتين والبروتين الاساسي في أي منتج علاج للشعر هوه بروتين الكيراتين لانه زي ما ااحنا عارفيه ان بروتين الكيراتين هوه اللي بتتكون منه 88% من الشعرايه الطبيعيه وهو اغني البروتينات بالاحماض الامينيه وهو المسئول عن نعومه وصحه وحيوية الشعر يعني أي شعر عنده مشكلة تقصف او هيشان او جفاف يبقي لازم يكون بروتين الكيراتين يكون ضمن أي منتج هيستخدمه لعلاج شعره

طيب امال ايه الفرق بين منتج البروتين ومنتج الكيراتين؟

مع التطور العلمي والتكنولوجي والابحاث اللي بتتم في مجال علاج و العنايه بالشعر اكتشفوا ان عند اضافه بروتينات اخري قويه ومؤثره مع بروتين الكيراتين هتكون النتيجة افضل كتير

وعلي فكره في انواع لسه باسم الكيراتين واضافت فعلا التطور ده علي منتجها بس الشركات الاخري حبت تجدد الاسم علشان يكونله انتشار واهتمام اكبر بين العملاء لان الناس دايما بيبهرها الجديد افضل ما يتقالهم طورنا القديم لدرجة ان شركات كيراتين عملت منتجها هوه هوه مره تانيه في عبوه مختلفه وسمته بروتين عشان يتباع اكتر؟ زي شركة جراه

وده يعتبر اول منتج بروتين حقيقي طبيعي والوحيد المصنع بتقنية النانو تكنولوجي ثيرابي نتيجة علاج وفرد عاليه جدا من 75 الي 100% ومالوش أي مشاكل حتي الان وعلاجه بيبان عالمدي الطويل مع كتير من اللي جربوه من اطالة للشعر ضعيف النمو وتقليل للتساقط وصحه وحيويه ومفيش أي مشاكل مع الشعر الجديد وبيتميز بمكونات بروتينات نباتيه وحيوانيه (( كيراتين و كافيار و كشمير و حرير و قمح و صويا وارز مع الكلاجين وزيت الاجان والحمض الاميني الارجنين )) وخالي من الفورمالين

يعني المهم المنتج ده مفيد ؟

اكيد اه لانه بيدي الشعر البروتينات اللي محتاجها وكل شعر حسب مشكلته والنوع اللي يناسبه

طيب نتيجته احسن من الكيراتين؟

فيه انواع نتيجتها افضل وفيه انواع نفس نتيجة الكيراتين القصه كلها في التركيبه ونوعية البروتينات الاخري المضافه للكيراتين

بيفرد بنسبة قد ايه؟

حسب نوعه وحسب طبيعة وحالة الشعر افضل الانواع بتفرد من 70 الي 100%

بيفضل في الشعر اد ايه؟

نفس الكيراتين كل البروتينات المده المعتاده من 3 الي 6 شهور ومع التكرار والعنايه الصح ممكن يكمل ل 8 شهور

بيتكرر كل اد ايه؟

كل ما تحسي ان شعرك محتاجله وكل مره الشعر بيتحسن بنسبه من ناحية الهيشان والجفاف والتقصف

طيب سعره اعلي من منتج الكيراتين ليه؟

لانه يحتوي بروتينات اخري قويه و عالية السعر بالاضافه للكيراتين + استخدام تقنيات حديثه ومتطوره لضمان افضل نتيجه وفاعليه للمنتج

ماهي ضرورة استخدام الحراره العاليه مع كافة انواع البروتين؟

كافة البروتينات تبقي علي سطح الشعر ولا تستطيع اختراق جسم الشعره عكس منتجات الفرد الكيميائيه ولذلك فان استخدام الحراره العاليه هوه لمساعدتها علي اختراق جسم الشعره والتأثير فيها والمهم ان تكون الاداه المستخدمه (المكواه السيراميك) من نوع جيد جدا ومصمم بأحدث التقنيات حتي لا تؤذي الشعر اثناء الكي

معلومات وحقائق تهمك عن البروتين لعلاج وفرد الشعر

انواع البروتين

طبعا انواع البروتينات كتير جدا لكن اهم البروتينات المفيده للشعر فعليا هيا اللي هنتكلم عنها بالتفصيل هنا

اولا البروتينات تنقسم الي....

1_ بروتين نباتي

البروتين نباتي يمتص بسهولة في جذع الشعرة أكثر من البروتين الحيواني و لا يخلق تراكم، ويترك االشعر لامعة و وصحية.

2_ بروتين حيواني

البروتين الحيواني اكثر ثرائا بالاحماض الامينيه وهو ما يسمي بتقنية ال bio

اهم انواع البروتينات للشعر

بروتين الكافيار

انه واحد من المصادر الأكثر ثراء في العالم ب احماض اوميغا 3 الدهنية + فيتامين E & A واوميجا 6 وهو اكثر البروتينات التي تماثل خلاياه خلايا الجلد البشري، ويعطي مرونة للشعر وتحسين الحالة الصحية لفروة الرأس. و ترطيب عميق بفضل الاوميجا 6 وتقويه للشعر الضعيف

بروتين الصويا

يزيد من قدرة الشعر على الاحتفاظ بالرطوبة الضرورية، والتي تحميه من التلف ويعمل علي تحسين قوة الشعر.

بروتين الكولاجين

المعروف عن مرونة متزايدة في الشعر بروتين الحرير

المعروف لتليين ونعومة الشعر الجاف

بروتين القمح

هو مرطب قوي وهو البروتين المعروف بزيادة قدرة الشعر على الحفاظ على رطوبتة وتحمل العوامل الخارجيه

ويمكنه ان يخترق جميع طبقات الشعرة، من الداخل الى الخارج ويعمل علي

تعزيز قدرة الشعر علي الاحتفاظ بالرطوبة داخل الشعره حيث يجعل جسم الشعرة ناعمة ونضرة، إضافة إلى مظهر لامع وصحي

ده غير ان الشركات بتتنافس في استخدام التقنيات المتطوره والحديثه والفعاله في صناعة منتجهاتها من الكيراتين والبروتين

وايضا استخدام الاجهزة الحديثه والمتطوره في تطبيق المنتج بيفرق في النتيجه النهائيه عالشعر

الاغذيه الغنيه بالبروتين ..

من الاغذيه الهامه جدا لامداد الجسم بالبروتين وبالتالي الشعر بيستفيد جدا منها وبتحافظي علي صحة وجمال شعرك لانه مش مجرد انك عملتي بروتين يبقي خلاص لأ كملي الاهتمام والعلاج من الداخل كمان واحرصي علي تناول المنتجات التي تحتوي علي البروتينات

بروتين حيواني,, اللحوم والدواجن والأسماك والبيض والحليب - وفول الصويا.

بروتين نباتي وبقوليات ,, المكسرات والبقوليات البسله الخضراء والفول

ومن البروتينات المهمه للشعر زيت بذور الكتان وممكن تستعملي كحمام زيت للشعر هيكون مفيد جدا

ودلوقتي هنتكلم عن احدث تقنيات عالميه

في تطبيق علاج البروتين والكيراتين لمضاعفة فاعليتهم وضمان افضل نتيجة واستفاده للشعر

1_الفوتون سيستم

(photon system جهاز أشعة الفوتونات)

(تقنية العلاج الضوئي)

اولا ماهو الفوتون؟

هو جسيم أولي متناهي الصغر وهو حامل الاشعاع الكهرومغناطيسي إلا أنه كجسيم, بإمكانه فقط أن يتفاعل مع المادة عبر نقل كم من الطاقة اليها

يعمل جهاز الفوتون ماشين علي اختراق الطبقه الثانية من الشعر مباشرة بأقصي سرعة في خلال عملية كهروضوئي

ما هيا فائدته؟

يضاعف قدرة المواد الفعاله بكافة منتجات علاج الشعر كالكيراتين والبروتين بنسبة تصل الي 60% حيث انه يخترق الطبقة الثانية من الشعر مباشرة ويسرع من عمليه تغلغل المنتج في الشعر ويضاعف قدرة الشعر علي امتصاصة بشكل اسرع واسهل

يعني التقنيه دي بتخلي المنتج يتفاعل مع الشعر بنسبة100% مهما كانت طبيعتة ونوعيته بيمتص المادة وبتتفاعل معاه

فيه ناس مثلا تعمل الكيراتين او البروتين

وبعد ما تغسل شعرها تلاقي ولا كانها عملت حاجه خالص ؟؟ او نتيجة لا تذكر ؟

بالرغم انها ممكن تكون مستخدمه نوع كويس جدا و مناسب لشعرها واللي عملته خبيره متخصصه ؟

والسبب

ان شعرها مقبلش الماده اصلا؟

لان فيه شعر مبيقبلش اي بروتين طبيعي بسهوله حتي لو فضلت 4 ايام بدون غسيله الشعر مش بيشربه وبيفضل علي سطح الشعرايه وبينزله بمجرد غسيله ودي المشكله اللي قضي عليها تماماااااااا جهاز الفوتون

2_الالتراسونيك

ultrasonic & ray infrared iron

(الموجات فوق الصوتية والاشعه تحت الحمراء بعيدة المدي)

احدث تقنيه عالمية لعمل الكيراتين والبروتين مكواة الالتراسونيك والراي انفراريد مكواه تعمل بالموجات فوق الصوتيه والاشعه تحت الحمراء بعيدة المدي

بدون حراره مهمتها تنحصر في تشريب وتثبيت العلاج في الشعر بنسبة 100% وغلق مسامات الشعر بعد تشريبه العلاج لان بالطريقة العادية لا يتشرب الشعر المنتج كاملا بالاضافة الي ان بعض من المنتج يخرج في الفرشاه اثناء عمل السيشوار وبالتالي تأتي النتائج غير مرضية

اذن فهذه التقنيه تأتي بنتائج افضل ونضمن ان الشعر تشرب العلاج بالكامل

3_ مكواه فرد الشعر بالانفراريد

Infrared flat iron

( مكواه الشعر بالاشعه تحت الحمراء)

مكواة فرد الشعر ذات المميزات والخصائص المتعدده حيث انها مزدوجة اللوحات بمعني

ان جانب منها مصنوع من التيتانيوم والجانب الاخر نصفه من التورمالين والآخر من السيراميك

تحسن نتيجة العلاج بالكيراتين والبروتين بشكل رائع لان حرارتها عاليه جدا فلا تحتاج لعمل سيشوار قبلها + ان درجة حرارتها ثابته موحده طوال مدة العمل بالاضافه انها مصنوعه بالكامل بتقنية النانو

+ ان اشعة الانفراريد التي تنبعث منها بترطب الشعر وتثبت المنتج بيه وبتحميه من الحراره يعني نتيجة ممتازة + حفاظ علي رطوبه الشعرايه الطبيعيه وضمان عدم تأذيها من الحراره العالي

تنبيه هااااااااااااااااااااااااام

قد حذرت وزارة الصحه البرازيليه من استخدام بروتين البوتكس في اي منتج خاص بعلاج او فرد الشعر وتم حظر تصديره بشكل رسمي لخارج البرازيل

ليه بقي؟

اولا البوتكس معروف انه بيستخدم لعلاج لتجاعيد البشره وهوه مش علاج لا هوه مجرد انه بيعمل زي شلل في العضلات فبتسترخي وتفضل التجاعيد مشدوده لمدة 6 شهور وبعدها يتكرر

اما عن استخدامه لفرد الشعر فلانه بيعمل عملية تجميد لشكل الشعرايه علي الوضع المفرود وبيفضل كده لمدة 6 شهور يعني كأنه بيجبرها علي الوضه المفرود وده طبعا بيضعفها جدا جدا فبمجرد ما يروح مفعوله تبدأ الشعره في التكسر و التقصف و التساقط

خدوا بالكم وانتم بتستخدموا اي منتج مهما كانت ثقتم في المكان او الشخص اللي بتتعاملوا معاه محدش في الدنيا هيخاف عليكي قدك مفيش حاجه اسمها فلان خبير او دكتور او أمين في حاجه اسمها اخد حذري واخاف علي نفسي وده مبدأ في التعامل مع اي شيئ في الدنيا حتي الوصفات الطبيعيه في مثل بيقول (حرص ولا تخون) والوقايه خير من العلاج لازم تشوفي العبوة اللي هتعملي منها المنتج وتقري عليها كويس قوي المكونات بلد المنشأ وكل شيء

واذا كان المنتج برازيلي دليلك عشان تعرفي انه اصلي ولا لأ اقري الموضوع ده الاول

اما عن انواع البروتين وافضلها حنحاول نعرفك عليها بقدر الامكان وكمان انواع الشامبوهات والبلسم وحمامات الكريم المخصوصه للشعر المتعالج بالبروتين

فيه مجموعه كبيره قوي من المنتجات ظهرت في البرازيل مؤخرا
بتمثل الاتجاه الجديد هناك بعد حظر الفورمالين المنتجات دي بتدي نتيجة فرد ولمعه عاليه
وهيا لا تعتبر كيراتين ولا بروتين انما هيا ااقرب لعائلة
الفرد الحراري
اللي هوه بيتحط عالشعر ويتعمل الشعر سيشوار ومكواه وبعدها الشعر يتغسل في نفس الجلسه بس الانواع دي مشكلتها مع ناس كتير انها بعد فتره الشعر الجديد بيطلع انشف – وتزايد في التقصيفه والهيشان وبعض الناس مبيحصلهمش كده من اول مره بس مع التكرار بيبان معاهم وفيه ناس شعرها قوي جدا مش بيأثر فيهم حاجه وعلي كل الاحوال هما ارحم مليون مره من الفرد الكيميائي الصرف بكل انواعه واشكاله وحل مهم لكل اللي عاوزه فرد حلو بدون علاج بس طبعا كل شركه فيهم هتقولك منتجي بيعالج وبيغذي لزوم الدعايات

اول المجموعه

Jean depearl والمعروف ايضا ب
argil therapy
بيتباع علي انه برازيلي وكان فيه ادله انه اسرائيلي او عالاقل اصحاب الشركه اسرائيلين ايا كان لانه مش موضوعنا
نيجي للي جربوه ونتايجه
فرد ولمعه عالي جدا من 80 الي 100% بس لما بيروح الشعر بيطلع اسوأ مما كان بمراحل الجديد طالع انشف وزي المتقطع وكأنه شايط وهوه مش بروتين منتج كيراتين عادي وااقرب للفرد الحراري خالي من الفورمالين

وتاني المجموعه

Salvatore
مشهور ب italiana Salvatore escov

وده منتشر في البرازيل وبيدي نتايج فرد عاليه جدا من 80 الي 100% وفيه منه حوالي 5 انواع العادي القديم وده اتمنع دلوقتي ومنه تاني الكيراتين والجولد والكاتيونك و لسه نازل منه بتقنية النانو
Blue gold , blue cationc , Salvatore keratin , nano

بس نفس المشكله اللي قبله واكتر كمان فيه شكاوي كتير اتقدمت لمنظمه الصحه البرازيليه عنه كالتالي ( حالات تساقط شديد للشعر – حالات ثعلبه – حالات حساسيه مفرطه ) وعلشان كده المنظمه رفضت تدي الشركه دي رخصة تصدير لحد ما يحققوا في الشكاوي ويتفصل فيها ويتحلل المنتج لانه مش واخد مطابقه للمعايير العالميه في الامان والسلامه علشان كده بيتمنع من التصدير الرسمي بيتم ارساله لاي دوله عن طريق غير شرعي كهدايا للاستعمال الشخصي بكميات قليله جدا او اجانب بيكونوا هناك وبيشتروه ويرسلوه هما لبلادهم علشان ميبانش انه تصدير , خالي من الفورمالين

تالت المجموعه

1ka

وده قريب من Salvatore في نتيجة الفرد واللمعه من 80 الي 100% بس مشاكله اقل وواخد تصاريحه

مكوناته زيوت واحماض امينيه ومادة ال glyoxylicacidالكيميائيه اللي تعد واحده من مجموعة الالدهايد بس اخف واحده فيهم ومالهاش أي رائحه كريهه او نفاذه زي باقي المجموعه
وحتي في طريقته بيدوا وقت لترك الماده علي الشعر قبل غسيلها حسب طبيعة كل شعر وعموما المواد دي كلها لازم يتعملها اختبار حساسيه الاول ولازم يتغسل في نفس الجلسه
وزي ما وضحتلكم المنتجات دي بتندرج تحت قائمة الفرد الحراري مش الكيراتين او البروتين الطبيعي
اما غير كده هيا منتجات كويسه باللنسبه للي عاوز فرد نضيف بدون اضرار ومش في دماغه علاج خالص

رابع المجموعه

Akins

المعروف ايضا ب
argnin system
وفيه منه نوعين

Cream liss

Spray liss

وده من المنتجات اللي بتعتمد علي الحمض الاميني الارجنين وهوه اقوي الاحماض الامينيه وهوه اللي بيساعد الكيراتين يخترق جزيئات وروابط الشعر وبرضو نسبة فرده عاليه جدا من 80 الي 100% وتقريبا لسه مظهرتلوش مشاكل لانه جديد نوعا ما , خالي من الفورمالين

دلوقتي هندخل علي عائلة
Argan therapy والمعروفه ايضا ب argan system
فيه منه انواع كتير هناخد الاشهر والاحدث

Inoar argan oil system
Argan brush
unex keratin argan therapy

الاول
Inoar argan oil system

وده اول وااقدم واحد تبع شركة اينوار وهوه كيراتين بيعتمد علي زيت الارجان في الترطيب والنعومه والتغذيه ونتيجته ضعيفه في العلاج والفرد علشان كده ببالرغم انه قديم لكن محققش الانتشار المطلوب وهوه مش بروتين هوه منتج كيراتين اعتماده الاساسي علي زيت الارجان وفيتامين e خالي من الفورمالين

والتاني
Argan brush

مكون من كيراتين و زيت الارجان واحماض امينيه و tannins وده المركب الذي بيربط ورواسب البروتينات ومختلف المركبات العضوية الأخرى بما في ذلك الأحماض الأمينية ونسبة فرده من 70 الي 90 %
وخالي من الفورمالين

اما المفاجأه الكبيره

المنتج اللي محير الملايين
البروتين الدااااااااااااائم اللي بيفضل طول العمرررررررررر
واخيرا الكشف عن المنتج اللي بيتسوقله انه بروتين دائم ولاول مره حصرياااااااا المنتج اسمه Rich protein Hair Straighten Perm من شركه root care

اعتقد واضح من اسمه هوه ايه؟؟مش بروتين خااااااالص ده منتج فرد كيميائي غني بالبروتين
وهنا لازم نوضح نقطه مهمه جدااااااااااااااا
فيه فرق كبير بين انه يكون منتج بروتين اللي هوه المطور للكيراتين وطبيعي بدون كيمياويات وعلاج اكتر منه فرد
وبين منتجات بتكتب عليه بالبروتين وهيا اصلا فرد كيميائي
علشان الناس اللي بتكون خايفه علي شعرها من الكيماويات تكون حذره جدا وتفكر كويس ومتتخدعش في الدعايا اللي بتسمعها
يعني ده مجرد فرد بس نضيف شويه

طيب ايه المقصود انه بيفضل طول العمر ؟؟

لانه أي فرد كيميائي بيفضل في الشعر الجذور بس هيا اللي بتحتاجي تعيدي عليها كل 6 شهور

اما بقي عن افضل واحدث منتجات البروتين لعام 2016 فا هو القنبله اللي تغنيكي عن كل الانواع عباره عن فرد وعلاج 100%

اقوي علاج وفر الشعر بالبروتين .تخلصي من الهيشان وتقصف الشعر والتجاعيد والخشونة وتمتعي بشعر لامع وصحي ومفرود باجود انواع البروتين ,

لكل سيدة تحلم بتحويل شعرها المموج والمجعد والمتقصف الي شعر يتسم بالنعومه والكثافه والحيوية . انه الجيل المتطور لوسائل تنعيم وفرد الشعر قي العالم بواسطة مزيج مميز من بروتينات الطبيعة .

دلوقتي حققنالك المعادلة الصعبة . بروتين بيفرد شعرك 100% وكمان بنسبة العلاج اللي بتحمي بيها و بروتين مضاف اليه عناصر علاجيه زي البوتكس بالنسب اللي تتناسب مع طبيعة شعرك واحتياجاته .

ادوات لاغني عنها للحصول علي افضل النتائج وجمال شعرك بعد فرده بالبروتين

مجموعة تقنية الفوتون لفرد الشعر